DJ Annie & Skatebård
DJ Annie er DJ av internasjonalt format og lovar den gode stemninga på Klubblarm med si segnomsuste teft for å fylla dansegolv verda over. Annie starta DJ-karriera i Bergen seint på 90-talet og fylte opp dansegolv på legendariske klubbscener som Agora med konseptet "Pop till you drop". DJ-karriera bar henne vidare til rennomerte klubbscener i heile Europa. Solokarriera hennar er gjerne det som har hausta breidast åtgaum. I 2004 slapp ho plata "Anniemal" med hitsingelen "Heartbeat" som raljerte radiostasjonar og dansegolv på internasjonalt nivå. Pitchfork Media kåra singelen til den beste i 2004 og den 17.beste i årtiet. Frå hennar noverande bustad i Berlin vert produksjonen ivareteken. Hausten 2009 kom albumet "Don`t stop" som hausta gode kritikkar og klatra til respektable salshøgder i Storbritannia og USA. Låta "Songs remind me of you" vart våren 2010 stadfesta som del av lydsporet til storfilmen "Sex and the City II". Stadfesta spelejobbar i 2010 er London, Paris og Bygdalarm.
Annie heimeside
Annie på Myspace
Annie på Facebook
DJ Skatebård
DJ Skatebård kjem til Bygdalarm for fjerde gong med plateskreppa full av italo-disco og eigne rytmar og beats. Han er kjend med både Annie og Klubblarmpublikummet og me er trygge på at desse nasjonalt vidgjetne DJane i tospann vil skapa kokande stemning på Klubblarmgolvet. Skatebård er om dagen aktuell med to nye plater og vart i veke 25 kåra til Hotshit of the Week.
