Onsdag 28. desember går årets Jolalarm av stabelen. Eit super-band med namn Sunturns klokkar jola inn på Øvreviken pub. Jul deg opp!
Endeleg kan me sleppa kjetto or sekken! Heile tre band har me i dag gleda av å sleppa til vårt deilege publikum. Det er med glede og ganen full av fenalår me presenterer Ungdomskulen, Jonas Alaska og Team Me til Bygdalarm 2012.
I ein avgrensa periode kan du no sikra deg bilelttar til spesialpris. Me køyrer ein jolakampanje med årets prisar på festivalpass ut 2011. Kjøp billett til ein du likar!
Designgruppa Kassett har nok ein gong trylla fram ein særeigen grafisk profil saman med Bygdalarm. Det de ser er starten på eit nytt bygde-univers!
På Norsk Rockforbund sitt årlege festivalseminar vart Bygdalarm kåra til den beste festivalen i Noreg i 2011. Det er festivalane sjølve som nominerer og røystar fram vinnaren.
Bygdalarm skal arrangera festivalseminaret 2011 saman med Norsk Rockforbund 11. - 13. november i Øystese. I tillegg til å hysa eit samla festival-Noreg inviterer me til eit gedigent kalas på Hardangerfjord Hotell med noko av det beste som har vorte presentert på Bygdalarm.
