Kristian Anttila (S)
Årets leverandør av svensk deilegpop på Bygdalarm kjem frå den svensk-finske sjarmøren Kristian Anttila. Popprinsen produserer perler av beste sort frå indiepop-parnasset sitt i Gøteborg og har to plater i bagasjen. Før siste plata, Lille Napoleon, vart han fanga opp i armane til EMI som såg potensialet. Resultatet var storlansering og ei rekkje konsertar i Norden, i tillegg til Paris, Beijing, Barcelona, Berlin og Hong Kong. Neste stopp på friarferda går til Hardanger og Øystese. Med solnedgangen i ryggen og fonn og fjord i siktet vil Kristian Anttila framføra hitparaden til eit herleg publikum på plenen.
Kristian Anttila heimeside
Kristian Anttila på Myspace
